عرض مشاركة واحدة
  #1  
قديم 06-25-2008, 05:04 PM
الصورة الرمزية sameh_415
sameh_415 sameh_415 غير متواجد حالياً
عضو منتسب
 
تاريخ التسجيل: Apr 2008
المشاركات: 14
افتراضي الاستقبال & الاهمال & الاستهبال(فى المستشفيات)


مره دماغى ف يوم وجعتنى

قلت اروح ع الاستقبال


شوفت حاجات متجيش ع الخاطر

ولا تخطر ابدا على بال

شوفت اتنين راسهم مفتوحه

وايديهم مربوطه بحبال

قلت اتطقس عن احوالهم

واعرف عنهم اى سؤال

الاتنين اصحاب ف الشارع

علشان بنت اتنافسوا عليها

عدت مره ف يوم قدامهم

واحد منهم شد اديها

والتانى واقف مش عاجبه

طلع مطوه كان مداريها

والاتنين ف ثوانى اتعاركوا

علشان بنت ما حد مربيها

نرجع تانى نشوف حكايتنا

ع اللى بيحصل ف لستقبال

مفيش تمريض ولا حتى نباتشى

ولا دكتور قاعد شغال

ودا عيان ف الطرقه بينزف

ودا واقف مسنود بعيال

حتى الاوضه القاعدين فيها

شكلها يقرف م الاهمال

ارض قذاره وقطن وشاش

وحقن مرميه مفيش عمال

تكنس تمسح ودى شغلتها

امور بلطجه شغل استهبال

لو كان فيه مسؤول يحاسبهم

ماكانش يفضل على دا الحال

كنت تلاقى الكل بيجرى

واتبدل من تانى الحال
=========

مع تحياتى
s@meh_415
رد مع اقتباس