رباعيات ليْثِيَّة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • ahmed_allaithy
    رئيس الجمعية
    • May 2006
    • 3961

    في المدرسـة قام المُعلِّم ... شَـرَح


    القدس راحت، والأمَّة رقص ومرح


    وعراقنا ينزف، واحنا نعمل فـرح


    كفِّنْت قلبي، والحزن جُوَّاه طـرح.
    د. أحـمـد اللَّيثـي
    رئيس الجمعية الدولية لمترجمي العربية
    تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

    فَعِشْ لِلْخَيْرِ، إِنَّ الْخَيْرَ أَبْقَى ... وَذِكْرُ اللهِ أَدْعَى بِانْشِغَالِـي

    تعليق

    • ahmed_allaithy
      رئيس الجمعية
      • May 2006
      • 3961

      [align=center]
      الدمع يجري، والقلب له أحـزان
      الوهن يسـري، تستسلم الأبدان
      والأمة تِحْبي طول ما العزيز متهان
      وفِ الزحمة نلقى حقنا ... غلطان.

      [/align]
      د. أحـمـد اللَّيثـي
      رئيس الجمعية الدولية لمترجمي العربية
      تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

      فَعِشْ لِلْخَيْرِ، إِنَّ الْخَيْرَ أَبْقَى ... وَذِكْرُ اللهِ أَدْعَى بِانْشِغَالِـي

      تعليق

      • ahmed_allaithy
        رئيس الجمعية
        • May 2006
        • 3961

        يا مين يقول لي الألم ف عيشنا ليه بيدوم؟


        وليه يا جرح الزمن بننام عليك ونقـوم؟


        بلسم جراحنا أكيد مدفون في بحر عميق!


        يا ترى اللي تايه أنا؟ والاَّ الأمل معـدوم؟
        د. أحـمـد اللَّيثـي
        رئيس الجمعية الدولية لمترجمي العربية
        تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

        فَعِشْ لِلْخَيْرِ، إِنَّ الْخَيْرَ أَبْقَى ... وَذِكْرُ اللهِ أَدْعَى بِانْشِغَالِـي

        تعليق


        • بحب الحكومـة وعندي الدليل
          إني في هواها أنا عايش ذليـل
          أغني: يا عيني! تقول لي: ياليل
          أقول: الفساد؟ تقول لي: عميل

          هو ياريت الأمر له علاقة بحكومة؟
          أي حكومة، إن شا الله في المريخ؟
          الموضوع له علاقة بعقلية مبتفهمش
          إلاّ بما يقوله مولانا الوالي
          حتى لو كان في شرب الزرنيخ

          ما رأيكم دام فضلكم؟

          تعليق

          • Aya waheed
            weissherz
            • Jan 2010
            • 644

            المشاركة الأصلية بواسطة ahmed_allaithy مشاهدة المشاركة
            اسمع كلام الست، وبعدها .. طنِّش
            أصل النسـا في الزنّ مـا توِنِّش

            تليفون كده مشغول، بس ما يرنِّش
            وشورتها زي القضا بتصيب وبتفنِّش
            ههههههههههه
            لماذا هذه الطريقة الصععععبة فى الكتابة
            وما هذا الكلام الزحمة اللى عامل زي الهيروغليفى حول تلك الأبيات العظيمة

            من هنا أعلن إحتجاجى واعتراضى :p
            [align=center]Ich bin verwirrt[/align]

            تعليق

            • Aya waheed
              weissherz
              • Jan 2010
              • 644

              المشاركة الأصلية بواسطة ahmed_allaithy مشاهدة المشاركة
              روحَّت بيتي لقيت أم العيـال ساكتـة
              وَغْوِشِتْ قلبي وقلت: دي ليلة مش فايته
              مالك ياحبة عيني أيش عكّر مزاجك؟
              قالت لي: غلّوا الخيار، وما رخَّصوا القتة.

              ما سر هذه النظرة لنون النسوة!!! أنا قرررررربت أكرهنا
              [align=center]Ich bin verwirrt[/align]

              تعليق

              • Aya waheed
                weissherz
                • Jan 2010
                • 644

                المشاركة الأصلية بواسطة ahmed_allaithy مشاهدة المشاركة
                صاحبنا عمره ما اتوضى ولا صلى في يوم من الأيام

                جاله رمضان آل أتوب، وراح استحمى قوام

                سمع الفجر لفع جلابيته، جت لنص الرجل ع السُّنة

                دخل بيت الله ... شافوه ... راحوا مقدمينه إمام
                ليه يعنى !!! ده من كتر ما ربنا قبل توبته ...ولا ده كده أحسن واحد فى اللى موجودين !!!
                [align=center]Ich bin verwirrt[/align]

                تعليق

                • ahmed_allaithy
                  رئيس الجمعية
                  • May 2006
                  • 3961

                  المشاركة الأصلية بواسطة aya waheed مشاهدة المشاركة
                  ليه يعنى !!! ده من كتر ما ربنا قبل توبته ...ولا ده كده أحسن واحد فى اللى موجودين !!!
                  ده ن كتر غباء الناس.
                  د. أحـمـد اللَّيثـي
                  رئيس الجمعية الدولية لمترجمي العربية
                  تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

                  فَعِشْ لِلْخَيْرِ، إِنَّ الْخَيْرَ أَبْقَى ... وَذِكْرُ اللهِ أَدْعَى بِانْشِغَالِـي

                  تعليق

                  • Aya waheed
                    weissherz
                    • Jan 2010
                    • 644

                    المشاركة الأصلية بواسطة ahmed_allaithy مشاهدة المشاركة
                    نزلت وسط البلد لقيت زحمة لا أقولَّك ولا تقولّي
                    وخلق بتصوَّت، وناس بتجري من شارع الأغا أوغلي
                    سألت العسكري: هو أيـه اللي حصل في الدنيـا؟
                    قال لـي: انت هتتطرأ ولا تبـات في لاظـوغلي؟
                    لاظوغلى ده بقى لي معايا حكاية
                    أصل السفارة الألمانية هناك وانا مش عندى دراية
                    جيت أترجم من ألمانى لعربى ودى عندى هواية
                    لاقيت الإسم قدامى غير قابل للإراية

                    قلت يادكتور وإزاى اترجمه
                    وانا عمرى ماسمعت عنه ولا روحتله
                    واهو الألمانى قدامنا يلا كده ننطقه
                    هترجمها لاتسجوهلى ......يا لهوي
                    [align=center]Ich bin verwirrt[/align]

                    تعليق

                    • Aya waheed
                      weissherz
                      • Jan 2010
                      • 644

                      المشاركة الأصلية بواسطة ahmed_allaithy مشاهدة المشاركة
                      شاب راح العراق يحارب، ويتعارك، ويزيد المناسف
                      قال يا ناس دلوني ع الأمريكان اللي نورهم خاسف
                      نفسي اشيل رشاش ولاّ مدفع ولاّ صاروخ وأحارب
                      قالوا: منين؟ قال: مصري. قالوا: البس حزام ناسف.

                      !!!!!!!!!!!!!!!!!!!!!!
                      ليه بقى !!!مش فاهمة قصدهم إيه يعنى!!عايزين يخلصوا مننا!!!؟
                      [align=center]Ich bin verwirrt[/align]

                      تعليق

                      • Aya waheed
                        weissherz
                        • Jan 2010
                        • 644

                        المشاركة الأصلية بواسطة ahmed_allaithy مشاهدة المشاركة
                        الدفن عند المسلمين حفرة تواري الجسد
                        أما عند الفراعين هرم يجيب الحسـد
                        وكل فار موكوس عمل علينا أسـد
                        إلهي يلف جيدكم بحبل أيه؟ من مسـد.

                        مش فاهمة !! بحبل آية!!؟ أم المقصود حاجة تانية

                        وكمان مش موافقة ..ليه بتدعى على الفراعنة!!!! كان عندهم إيمان بعودة الروح للجسد ...يعنى ما أنكروش زى المشركين
                        كمان مانعرفش يمكن كان فيهم مؤمنين..!!! لكن مش هنقدر نفهم رموزهم وإزاى كانوا بيمارسوا إيمانهم ومعتقداتهم!!! الله وحده أعلم وهو الذي سياحسبهم..ويحاسبنا
                        [align=center]Ich bin verwirrt[/align]

                        تعليق

                        • ahmed_allaithy
                          رئيس الجمعية
                          • May 2006
                          • 3961

                          خروف العيد

                          ضرب الغلا في بلادي
                          ضحك الخروف وعلى ضهره انطرح
                          قال يا بني أدمين
                          ورب البيت النهارده راح اعمل فرح
                          مافي فقير بيدبح
                          دهْ "جنابه" من الفقر اندبح.

                          وعجبي على بلادي
                          يموت فقيرها، ويحيا خروفها ف مرح.
                          د. أحـمـد اللَّيثـي
                          رئيس الجمعية الدولية لمترجمي العربية
                          تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

                          فَعِشْ لِلْخَيْرِ، إِنَّ الْخَيْرَ أَبْقَى ... وَذِكْرُ اللهِ أَدْعَى بِانْشِغَالِـي

                          تعليق

                          يعمل...
                          X