احنا ولاد الشيخ ... فخر بالعائلة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • سيد منازع
    عضو منتسب
    • Dec 2010
    • 153

    احنا ولاد الشيخ ... فخر بالعائلة

    احنا ولاد الشيخ
    فخر قبلي – عائلة اولاد الشيخ شطورة سوهاج
    - 1 -

    احنــــــــا ولاد الشيخ ........ لينا ف الأصول أنساب
    من نسل سيدنا النبي ........ آل بيته والأصحـــــاب
    تسبقنا أفعالنـــا .......
    واخلاقنا قدامنا ......
    ودارنا عمره ما يوم ......... ما ينقفل له بـــــاب

    *************
    احنا ولاد الشيخ - 2 -
    احنا ولاد الشيخ ........ الصدق في النية
    وقلوبنا زي الشهد ........ مليانــــــة حنية
    يمكن زعلنا سريع ...
    لكن صفانا سريع ...
    حتى ف عز الحزن ....... بنغني أغنيـــة
    ********


    احنا ولاد الشيخ - 3 -
    احنا ولاد الشيخ ........ وشبابنا رجــــالة
    يسدوا عين الشمس ........ أفعال مش اقواله
    صاحبنا ما يتخان ...
    وجارنا ما يتهان ....
    وان تقلت الأحمال ........ تلاقينا شيالة
    *******

    احنا ولاد الشيخ – 4 -
    احنا ولاد الشيــــــــخ ........ أصل الكرم احنا
    لو مرة زارنا ضيف ........ خبزنــــا ودبحنا
    طبع الكـــــــــرم فينا ...
    مش فرجة ولا زينة ...
    ولو حب ضيفنا يبات ........ سيبنا له مطرحنا
    ********


    احنا ولاد الشيخ - 5 -
    احنا ولاد الشيــــــخ ........ التقوى والطيبــــة
    من نسل سيدنا النبي ........ من مكة من طيبة
    منحبش الغدار ....
    والكدب فينا عار ....
    ومانعاملش الناس ........ بالغـــــــش والريبة
    ******


    احنا ولاد الشيخ - 6 -
    احنا ولاد الشيخ ........ بنشيل سوا في الهم
    لا يخلي بينا خال ........ ولا يخلي بينا عم
    تقرانا في الأمثال ....
    مش مننا الأندال ....
    وان جرح فينا طال ........ بيجي له يوم يتلم




    سيد منازع
يعمل...
X