أغنية لميدان التحرير

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
  • ahmed_allaithy
    رئيس الجمعية
    • May 2006
    • 3961

    #16
    المشاركة الأصلية بواسطة aratype مشاهدة المشاركة
    وصلت القصيدة إلى بورسعيد وإلى طنطا ولا سيَّما مقطع :

    مهما يقولوا ومهما يخونوا
    اسمع كلمة حق
    اللي بيرعب حاكم خاين
    هو كلمة لأ.

    حياك الله يا دكتور. أنا أضفت بعض المقاطع الأخرى. وهاهي النسخة الحالية، ويجزيك الله خير وصلها إلى كل من يمكنك:


    ياللا حالاً بالاً بالاً
    نُطْـرُد حسني مْبارك
    الطيارة يا افندم واقفة
    واقفة في انتظارَك

    حيث جنابك جبت لشعبك
    قرحة كمان ومرارة،
    والتعذيب والنهب يا ريِّس
    ناجح فيه بجدارة

    قوم واتفضل لحلح طولك
    خُد ويَّاك سي جمال
    وعلاء وامُّه وكل معارفك
    ورموز الاحتيال


    لو تقلان م التُّخمة يا ريس
    خليك واحنا نشيلك
    يوم السعد يا ريس لَمَّا
    ترحل إنتَ وجيلك


    هيلا بيلا يا مصري يا اخويا
    ياللا وهـات نقالة
    لاجل نروح للريس فوراً
    ونغيَّـر دي الحالة

    لولا حرام واللهِ بيشهد
    كنـا نولَّع فيـك
    إنتَ وسوسو وجوجو وعوعو
    وعز وكل ما ليك


    ياللي طفحتوا الكوتة معايا
    غنـوا وقولوا آمين
    ملعون اللي يخون الشعب
    ما تقولوا يا مصريين


    يسقط يسقط حسني مبارك
    ربي يلخبط كل احوالك
    بكرة الشعب يحاكمك حتمًا
    إنت وسوزي كمان وعيالك


    ياللا حالاً بالاً بالاً
    نمشي لحد القصر
    نُطرُد أُس فساد الدولة
    لاجل نحرر مصر


    هي مسيرة صَغِيرَة كَبِيرَة
    ماشية بكل الشعب
    نهتف لازم لازم يرحل
    اِهتِف كده مِ القلب


    حكم العسكر لازم يرحل
    لازم يرحل فورًا
    والحرية ترفرف عالي
    عالي وعالي ودومًا


    حكم العسكر لازم يرحل
    يرحل يرحل عنَّـا
    والحرية ترفرف عالي
    وتنوَّر في بلـدنا


    إحنا لَدَيْنا مطلب واحد
    واحد واحد بس
    يسقط كل نظام الريس
    أصل ده وش النحس


    مش ماشيين كده قبل ماتمشي
    دا احنا طردنا الخوف
    دم الشهدا دا لسه بينزف
    والقاتل معروف.


    اصمُد اصمُد يابن بلدنا
    احنا شباب وِشْياب
    اصبُر ثانية بعد مبارك
    هيزول ألف حجاب


    مهما يقولوا ومهما يخونوا
    اسمع كلمة حق
    اللي بيرعب حاكم خاين
    هو كلمة لأ.


    راح تكتب في العزة قصايد
    وتحرر م القهر
    شعب وأمة، وبعد الضلمة
    لازمًا يطلع فجر.


    ياللا يا مصري نقوم نسقيها
    أرواحنا وعرقنـا
    لاجل الورد يفتَّح فيها
    ونرجَّع أمجـادنـا


    ياللا حالاً بالاً بالاً
    نُطْـرُد كلِّ مْبـارك
    المحاكمة يا افندم جاهزة
    جاهزة وفي انتظارك.
    د. أحـمـد اللَّيثـي
    رئيس الجمعية الدولية لمترجمي العربية
    تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

    فَعِشْ لِلْخَيْرِ، إِنَّ الْخَيْرَ أَبْقَى ... وَذِكْرُ اللهِ أَدْعَى بِانْشِغَالِـي

    تعليق

    • ahmed_allaithy
      رئيس الجمعية
      • May 2006
      • 3961

      #17
      مبــــــــــــــــــــــــــــارك للشعب المصـــــــــــــــــري.

      سقــــــــــــــــــــــــــط 2 ، والبقية تأتـــــــــــــــي.
      د. أحـمـد اللَّيثـي
      رئيس الجمعية الدولية لمترجمي العربية
      تلك الدَّارُ الآخرةُ نجعلُها للذين لا يُريدون عُلُوًّا فى الأَرضِ ولا فَسادا والعاقبةُ للمتقين.

      فَعِشْ لِلْخَيْرِ، إِنَّ الْخَيْرَ أَبْقَى ... وَذِكْرُ اللهِ أَدْعَى بِانْشِغَالِـي

      تعليق

      يعمل...
      X